Dál almmuhuvvo Rávnná Biret Ánne nubbi luohteskearru, “Dološ luohtemuittut 2”.
Rávnná Biret Ánne, dahje Berit A. Persdatter Bongo vuosttaš luohteskearru ilmmai diibmá guovvamánus. Dál boahtá nubbi skearru, “Dološ luohtemuittut 2”.
Čeahpes juoigi
Heammogieddilaš lea čeahpes juoigi, ja lea oahppan ádjástis ja eará fulkkiiguin juoigat.
– Son lea ieš bidjan muhtin luđiin, muhto eatnasat leat hui boarrásat – muhttimat 1700-logu loahpageahčen. Rávnná Biret Ánne lea okta moaddásis gii ain máhttá juoigat dan dološ vuogi mielde, čállá Bernt Mikkel Haglund preassadieđáhusas.
