Eanandoallo- ja biebmodepartemeantta leat ráhkadan gaskkaboddosaš láhkaásahusa movt easttadit njoammudávdda CWD (Chronic Wasting Disease) mii dál lea gávdnon moatti ealggas ja bohccos Norggas.
Eanandoallo- ja biebmodepartemeantta leat ráhkadan gaskkaboddosaš láhkaásahusa movt easttadit njoammudávdda CWD (Chronic Wasting Disease) mii dál lea gávdnon moatti ealggas ja bohccos Norggas.
Láhkaásahus galgá ge eastadit justte dan CWD nammasaš njoammudávdda, mii lea gávdnon golmma eallis Norggas, ja mainna ealli sáhttá jápmit. Lea erenoamážit ealgga, bohcco, ruoiggu ja sarvva gaskkas hui bahá njoammut.
Láhkaásahus galgá leat doaimmas gitta ođđajagimánnui 2017.
Čánadit nuppi riikkas
Vaikke vel láhkaásahusas boahtá ovdan ahte ii leat lohpi fievrredit eallibohccuid fylkka- ja riikkarájiid badjel, eambbo jus njuolga njuovahahkii lea doalvume čorraga, de goitge rahpá láhkaásahus vejolašvuođa čáŋadit nuppe riikkas, ja johtit ráji rastá.
Dat guoská maid daid báikkiide gos johtolat lea riika- ja fylkkaraji goabbat bealde.
Ii sáltegeđggiid
Láhkaásahusas maid boahtá ovdan ahte ii leat lohpi bidjat sáltegeđggiid meahccái, nu go lea dábálaš ealgabivdiid gaskkas, vai ealggat čoahkkanit.
Bohccuide gal lihkká ožžot bidjat sáltegeđggiid, jus lea dárbu, rádioaktivitehta geažil.
Dat sáltegeađgeoassi láhkaásahusas maid ii guoskka Norgga golmma davimus fylkkaide, Nordlándii, Romsii ja Finnmárkui.
Davvi-Trøndelága lea davimus fylka gos eai beasa biebmat ealggaid sáltegeđggiiguin.
