Boahtte jagi válggain šattat jienastit daid áirasiid geat galget ođđa fylkkadiggái ja suohkanstivrii, dieđiha Gielda- ja ođasmahttindepartemeantta.
Gielda- ja ođasmahttindepartemeantta lea mearridan guokte ođđa láhkaásahusa suohkan- ja fylkkadiggeválggaide 2019:s, ja dat guoská daidda suohkaniidda ja fylkkaide mat ovttastahttojuvvojit 2020:s.
Láhkaásahusas čuožžu ahte válggat galget čađahuvvot dego suohkanat ja fylkkat livčče jo ovttastahttojuvvon.
Dat guoská daidda suohkaniidda ja fylkkaide mat galget ovttastahttojuvvot, sirdit rájiid ja juohkásit.
Ássit galget 2019:s válljet daid áirasiid geat galget ođđa Fylkadiggái ja suohkanstivrii, mii lea doaimmas ođđajagemánu 1.beaivvi rájes 2020:s. Dán dieđiha Gielda- ja ođasmahttindepartemeantta sin neahttasiiddus.
