Ođđa dálkedieđáhus golmma vahkkui ovddasguvlui Yras galgá veahkehit boanddaid plánet. Dieđut galget leat ollu dárkileappot go dálá dieđut, čállá Nationen.
– Don sáhtát measta gávdnat du náveha ja oaidnit guhkesáiggevárrehusa juste dán báikkis, dadjá Yr konseptaovddideaddji Jørn Knutsen.
Guhkesáiggevárrehus golmma vahkkui lea eambbo go duppalastojuvvon Yras mannan guhkesáiggevárrehusa ektui. Dál lea vuos dušše geahččalanveršuvdna gávdnamis, muhto plána lea oažžut dan johtui ođđajagis, čállá Nationen.
Go sullasaš guhkesáiggevárrehusat dávjá gusket viiddis geográfalaš guovlluide, de galget dat šaddat ollu dárkileappot geográfalaččat. Galgá leat vejolaš ohcat badjel miljovnna báikkis Norggas. (©NTB)
