Áltta politiijain lei leamaš mannan ija vehá eanebuš bargu go muđui politiijain Finnmárkkus. Dieđihuvvo leat leamaš oalle jaskat eará sajiin. Dán čállet Finnmárkku politiijaguovlu Twitteris.
Áltta politiijain lei leamaš mannan ija vehá eanebuš bargu go muđui politiijain Finnmárkkus. Dieđihuvvo leat leamaš oalle jaskat eará sajiin. Dán čállet Finnmárkku politiijaguovlu Twitteris.
Muhtin olgobáikki olggobealde Álttás ledje 2 albmá 60 jagiin doarrán. Politiijat šadde mannat gaskii. Dáhpáhus váidojuvvo.
Politiijat maid ožžo máŋga váidaga mannan ija go máŋgasat vudje oaivveheamet.
Álttás maid lei muhtin nisu 30 jagiin biilalihkohisvuođas, ii oktage roasmmohuvvan lihkohisvuođas. Nisu várohuvvui juhkanvuođas vuodjimin ja váido dan geažil.
Muhtin olgoriikalaš vuoddji bissehuvvui E6 geainnus Kvenvikmoenis, son váido go lea rihkkon vuodjin ja vuoiŋŋastanáiggiid.
Ribahan nohkkat
Muhtin almmái lei ikte eahkedis ribahan nohkkat bussebisánansaji vistái lahka politiijastášuvnna, Álttás. Son dovddai sihkkarit iežas oadjebassan doppe, čállet politiijat Twitteris.
Politiijat fidne boktimin albmá ja dolvo su dearvvašvuođa iskamiidda.
