Loatnakássas eai leat goassege ovdal leamaš nu vuollin reanttut go dán čavčča.
Loatnakássa reantu manná 0,148 proseantačuoggáin vulos.
Čakčamánu vuosttaš beaivvi gáhčai oahppoloana reantu ovtteš-lohkui. Muhto dál biddjo reantu vel vuollelii, 1,391 prosentii.
– Dat mearkkaša ahte kundariin, geain lea oahppoloatnareantu mii ii leat čadnon, sihkkarastet reanttu gitta ovtteš-logu rádjái, muitala Loatnakássa hálddahusdirektevra Nina Schanke Funnemark.
Dat guoská 90 proseantta olbmui geat leat máksime iežaset oahppoloana. Dál lea 645 000 Loatnakássakundaris reantu mii ii leat čadnon, ja 43 000 kunddaris lea reantu mii lea čadnon.
