NSR parlamentáralaš nubbijođiheaddji, Christina Henriksen, muitala ahte sii jotket bušeahttaevttohusa bargguin, ja son lohká maid ahte orru čájeheame ahte muhtin bellodagat eai čájet áktejumi Sámedikki politihkalaš bargui.
NSR parlamentáralaš nubbijođiheaddji, Christina Henriksen, muitala ahte sii jotket bušeahttaevttohusa bargguin, ja son lohká maid ahte orru čájeheame ahte muhtin bellodagat eai čájet áktejumi Sámedikki politihkalaš bargui.
Dan vahkku, go lávdegottit leat čoahkkinastán guokte vahkku, de ledje dušše guokte bellodaga, NSR ja Ovddádusbellodat (OB), buktán bušeahttaevttohusaid plána- ja ruhtadanlávdegoddái. NSR buvttii evttohusa áigemearrái, ja bovdii ságastallamii ja šiehtadallamiidda.
– Mii oaidnit ahte leat dušše muhtin joavkkut geat leat evttohan konkrehta bušeahttaevttohusaid dan áigodagas go plána- ja ruhtadanlávdegoddi barggai guokte vahkku áigi. Dat lea duođalaš, go dagahit ahte evttohusaid digaštallamat eai šatta lávdegottiin dahje almmolašvuođas. Dat ii atte buriid vejolašvuođaid álggahit formálalaš šiehtadallamiid, oaivvilda Henriksen preassadieđáhusas.
Ii almmuhuvvon evttohus
– Lean duššástuvvan dál, go vuollel jándora ovdal go lea dievasčoahkkin, ja Bargiidbellodat ii leat vel buktán ollislaš bušeahttaevttohusa. Mii oaidnit maid seammás ahte Vibeke Larsen lea pláneme cegget eahpeluohttámuša bušeahttaášši oktavuođas, áššis mii ii leat meannuduvvon dievasčoahkkimis. Ollugat eai dovdda makkár evttohusat Bargiidbellodagas leat.
– Bargiidbellodat árvvoštallá čájehit eahpeluohttámuša dan vuođul mii ii leat almmuhuvvon ášši, eat ge mii sáhte diehtit makkár bušeahttaevttohus sis leat. Dat ii leat buorre rabasvuhtii ja demokráhtalaš proseassaide, oaivvilda Henriksen.
– Mii leat bovden buot joavkkuid Sámedikkis, earret OB, searvat gulahallamii ja šiehtadallamiidda. Bovdehus lea ain rabas, muitala Henriksen.
Sámedikki bušeahtta meannuduvvo dievasčoahkkimis duorastaga dii 09:00. Bušeahttaevttohusat fertejit leat siste odne, gaskavahkku diibmu 16:00.
