-Almmuhus-
-Almmuhus-
OĐĐASATNRK Sámi ođđa prográmma­redaktevra

NRK Sámi ođđa prográmma­redaktevra

-

-

Carl-Gøran Larsson šaddá NRK Sámi ođđa prográmmaredaktevra. Prográmmaredaktevran galgá Larsson (39) jođihit NRK Sámi prográmmadoaimmahusa. 

Prográmmaossodat buvttada earret eará Binnabánnaža, NRK Urbbi, realityráiddu Ipmaša ja Sámi álbmotbeaisáddaga. Dán dieđiha NRK preassadieđáhusas.

Larsson lohká iežas illudit álgit prográmmaredaktevran. 

– Dákkár vejolašvuođa ja erenoamáš hástalusa it oačču dávjá. Sáhtán rámisvuođain dadjat ahte šaddá hui gelddolaš oažžut lobi jođihit dakkár čeahpes ja buori joavkku geain lean oahpásmuvvan NRK Sámis. Ovttas lean sihkkar ahte mii nagodit ráhkadit dan sámi sisdoalu maid geahččit ja guldaleaddjit sihke ánssášit, dárbbašit, ja maiddái maid eai ba diehtán ahte sii háliidit. Mun illudan dása, dadjá Carl-Gøran Larsson.

– Erenoamáš jođihanattáldagat

NRK Sámi direktevra, Mona Solbakk, lea hui duhtavaš go Larsson válddii vuostá virgefálaldaga.

– Mun lean hui movttet go Carl-Gøran šaddá oassin NRK Sámi hoavdajoavkkus. Sus lea nanu journalisttalaš vásáhus ja máhttu, ja erenoamáš jođihanattáldagat. Carl-Gøran maid dovdá mediasuorggi treanddaid, álbmoga lihkademiid ja Sámi bures, loahpaha Mona Solbakk.

-Almmuhus-