Duorastagas mánnodahkii galgá NRK filbmegoahtit «22. JULI» TV-ráiddu Ráđđehuskvartálas ja das lagas birrasis. – Leat gáibideaddji oasit filbmet, maiddái go diehtit ahte ollugat vásihedje dáid dáhpáhusaid, lohká NRK prográmmaredaktevra Ivar Køhn.
Duorastagas mánnodahkii galgá NRK filbmegoahtit «22. JULI» TV-ráiddu Ráđđehuskvartálas ja das lagas birrasis. – Leat gáibideaddji oasit filbmet, maiddái go diehtit ahte ollugat vásihedje dáid dáhpáhusaid, lohká NRK prográmmaredaktevra Ivar Køhn.
Drámaráiddu bargu lea leamaš jođus máŋga jagi. Giđđat de filbmegohte, ja jotket čavčča mielde. Borgemánu 23. beaivvis gitta 27. beaivái galget filbmet Oslo gávpogis, Ráđđehusa kantuvrabáikki lahka.
– Mii áigut geahččalit čájehit dáhpáhusaid mat ledje 2011:s go filbmet. Mii galgat fokuseret sidjiide geat ledje dan báikkis go bomba bávkkehii, muitala NRK prográmmaredaktevra Ivar Køhn NTB Infoi.
Dehálaš dieđihit filbmema
Duorastaga ja bearjadaga filbmejit Møllergatas, mii lea Hammersborg Torg lahka. Lávvordaga ja sotnabeaivvi filbmejit Ráđđehuskvartálas ja geavahuvvo suovva ja leat gádjunbiillat mielde.
Báikkit leat giddejuvvon, ii ge beasa meattá daid báikkiid. Báddemat galget čađahuvvot beaivet.
– Midjiide lea dehálaš ovdagihtii muitalit filbmenbargguid birra mat leat boahtte vahkkoloahpa. Lea ollu mii dáhpáhuvvá ja ollu olbmot geat leat mielde filbmenbarggus. Geavahit suova ja gádjunbiillaid, mii sáhttá addit dramáhtalaš dovddu ja balddihit jus ii ipmir mii dáhpáhuvvá. Seammás ipmirdit ahte dát prošeakta sáhttá boktit dovdduid vaikko diehtá filbmema birra ovdagihtii, lohká Køhn.
