“Norske Talenter” oasseváldi Kevin André Boine cealká ihttin dearvuođaid Álttá sámi nuoraide, ja movttiidahttá sin jáhkkit iežaset nieguide ja mo sámivuođain ollá guhkás.
“Norske Talenter” oasseváldi Kevin André Boine cealká ihttin dearvuođaid Álttá sámi nuoraide, ja movttiidahttá sin jáhkkit iežaset nieguide ja mo sámivuođain ollá guhkás.
Álttá Sámi giellaguovddáš Nuoraideahket prošeakta lágida sámenuoraid várás eahketdoaluid duollet dálle skuvllajagis 2015-16 Álttás. Doaluin besset ovttas buđaldit eará nuoraiguin 13-18 jahkásaččaide ja doalut leat nuvttá! Vuosttaš deaivvadeapmi lea gaskavahku 14. beaivvi golggotmánu diimmu 18-20 ja buot nuorat leat buresboahttimat Álttá Siidii, čálliba prošeaktabargiguovttos Lise Marie Krokmo ja Åse Márgget Anti.
Priváhtagovva.
– Ja dalle mii beassat gullat sámi nuorra artistta “Norske Talenter” oasseváldi Kevin André Boine, gii cealká interneahta bokte erenoamáš dearvuođaid nuoraide, geat servet dáid doaluide. Dás son muitala sihke dan mo sámevuohta lea dehálaš su artista eallimis ja mo nuorat sáhttet ollašuhttit iežaset nieguid, muitaleaba prošeaktabargiguovttos.
Doaluin lágideaddjit guossuhit pizza ja háleštit dan birra makkár doaimmaid nuorat háliidit bargat dán jagi ja gosa vuolgit ijastallan mátkái. Lágideaddjiid dieđuid mielde evttohusat jo leat nuorain boahtán sihke riidet, heargevuodjin, skohtermátki, duddjot ja feara maid somás doaimmaid dahkat.
Nuoraideahket prošeaktabargiguovttos Lise Marie Krokmo ja Åsa Márgget Anti sávvaba olusat bohtet gullat mo Kevin André Boine ávžžuha nuoraid ollašuhttit nieguideaset ja masa geavahit sin astoáiggi.
– Ulbmil lea beassat sámástit ja sápmelašvuođa nannet nuorain, geat leat Álttá gávpogis, sihke nuoraidskuvlla ja joatkkaskuvlla oahppit, muitaleaba prošeaktabargiguovttos.
Gaskavahkku báberáviissas beasat lohkat eanet dán áššis.
