Politiijat leat geargan dutkame njeallje ođđa, duođalaš ášši mat leat boahtán maŋŋel go Divttasvuona rohcošanáššit ilbme albmosii.
Politiijat leat geargan dutkame njeallje ođđa, duođalaš ášši mat leat boahtán maŋŋel go Divttasvuona rohcošanáššit ilbme albmosii.
Dat njeallje ođđa ášši leat dutkojuvvon maŋŋel go dat ollu áššit bohte albmosii ja maŋŋel go politiijaraporta ilmmai, mas bođii ovdan ahte rohcošeamit Divttasvuonas leat geavvan máŋggaid buolvvaid čađa. Golbma dain leat gárvásat sáddejuvvot Nordlándda stáhtaadvokáhttii, gii mearrida galgá go áššáskuhttit áššis.
– Ovtta áššis šaddet observeret ovdal go sáhttet mearridit galgá go áššáskuhttit dievddu dahje eat, lohká Nordlándda politiijaguovllu politiijaadvokáhtta Siv Remen NTB:i.
Sáhkkocealkkus
Buot áššit gusket duođalaš seksuála rohcošemiide, muhto politiijaadvokáhtta ii áiggo dađi eanet muitalit makkár konkrehta osiid lágas politiijat oaivvildit sin rihkkon. Dat njealjis leat áššáiduhtton iešguđet roavva seksuála rohcošemiid dahkan. Dasa lassin lea ovtta áššis dahkkon mearrádus go áššáiduhtton olmmoš lea dohkkehan sáhkkocelkosa seksuála loavkašuhttima ovddas mii ii leat nu duođalaš.
Politiijat leat ain dutkame guokte eará ášši main ii leat mearriduvvon galgá go evttohuvvot áššáskuhttit áššáiduhtton olbmuid.
Ollu áššit boarásmuvvan
Remen lohká ahte politiijat leat geargame áššiiguin main 82 olbmos lea gillájeaddji stáhtus, ja mas 92 olbmo leat sivahallon rihkosiidda. Ollugiin ledje duppal stáhtusat iešguđet áššiin – sihke gillájeaddjin ja rohcošeaddjin.
Áššit, maiguin politiijat leat bargan, leat 1953 rájes, ja ollu áššit leat boarásmuvvan. Remen lohká ahte gillájeddjiin lea ipmárdus ahte máŋga rohcošeami ovddas eai sáhte šat dubmehallat. Jus dakkár ášši fas ođđasit čuožžila, de sáhttet sullasaš áššit bissut agibeaivái, muhto guorahallit fertejit čuovvut boares ráŋggáštuslága mas ollu rihkkosiid ovddas ii sáhttán ráŋggáštit maŋŋel 10 jagi.
Ođđa áššit maid
– Mii leat dutkame moadde ođđa ášši maid mat ilbme maŋŋel go Divttasvuona áššit bohte albmosii, mat eai gullan daidda áššiide mat álggos ilbme, muhto easka maŋŋel, lohká Remen.
Ovdalaččas leat guokte ášši leamaš dikkis, main duopmu lei vihtta ja bealle jagi ja njeallje jagi giddagasduomu. Goappašat áššit leat guoddaluvvon lágamánneriektái.
(©NTB)
