Mánnodat eahkeda ožžo politiijat dieđu ahte muhtin priváhta ásodagas Hámmárfeasttas lea olmmoš gávdnon jápmán.
Politiijat dieđihit Twitteris ahte okta badjelaš 40-jahkásaš nissonolmmoš gávdnui jápmán priváhta ásodagas. Politiijat leat báikkis dutkamen ášši ja eai dieđe vuos jápminsiva.
Jápmán olmmoš lei nuorra ja de leat politiijat geatnegahtton guorahallat jápmima go ii leat čielga jápminsivva.
– Jus ii leat čielga jápminsivva, de šaddá min bargu gávnnahit manne olmmoš jámii, dadjá operašuvdnajođiheaddji Torfinn Halvari ifinnmark.no:i.
