Norgga gonagasbáras leat golleheajat gaskavahkku. 50 jagi náittosdili ávvudeaba ipmilbálvalusain girkus gos viháhuvvuiga vaiga. Soai oažžuba sáhtu seamma biillas náittosbeaivvi, ja dalle dearvvaheaba olbmuid oaivegávpoga gáhtain.
Norgga gonagasbáras leat golleheajat gaskavahkku. 50 jagi náittosdili ávvudeaba ipmilbálvalusain girkus gos viháhuvvuiga vaiga. Soai oažžuba sáhtu seamma biillas náittosbeaivvi, ja dalle dearvvaheaba olbmuid oaivegávpoga gáhtain.
Borgemánu 29. beaivvi leat vássán 50 jagi dan rájes go Norgga gonagas Harald ja dronnet Sonja náitaleigga Oslo duopmogirkus.
Golleheajaid čalmmustahttet ávvuipmilbálvalusain seamma girkus.
Gonagasbárra dearvvaheaba maiddái olbmuid Karl Johan gáhtas.
– Gonagas ja dronnet oažžuba sáhtu seamma biillas go náittosbeaivvi 50 jagi áigi. Dáinna vudjet seamma geainnu go dalle ja olbmot besset dáinna lágiin dearvvahit gonagasbára, dadjá gonagasviesu doaibmi gulahallanhoavda Sven Gj. Gjeruldsen NTB ođasdoaimmahahkii.
200 guossi besset oasálastit ávvuipmilbálvalusas, oktiibuot ledje 4500 olbmo dieđihan ahte háliidit boahtit. Sii geat vuosttažin dieđihedje iežaset leat ožžon saji girkui.
Maŋŋel ávvuipmilbálvalusa boradeaba gonagasbárra iežaska bearrašiin.
