Dán jagi lea Murmánskka gávpogis 100 jagi ávvudeapmi, ja ávvudeapmái čoahkkanit verddegávpogat ja -fylkkat čieža iešguđet riikkain.
Dán jagi lea Murmánskka gávpogis 100 jagi ávvudeapmi, ja ávvudeapmái čoahkkanit verddegávpogat ja -fylkkat čieža iešguđet riikkain.
Verddegávpogat ja -fylkkat deaivvadit ávvudit Murmánskka 100-jagi ávvudeami. Murmánskka gávpot deavdá 100 jagi golggotmánu dán jagi.
Ávvujagi oktavuođas deaivvadit verddegávpogat ja -fylkkat čieža iešguđet riikkain, digaštallat riikkaidgaskasaš ovttasbarggu.
Regiovnnalaš ovdáneapmi
Finnmárkku fylkkasuohkan čállá preassadieđáhusas ahte diibmá, semináras Murmánskkas čalmmustahttojuvvui ahte gávdno arktalaš ovttasbargu, ja gos Murmánskka sátnejođiheaddji čujuhii man dehálaš lea ovttasbargat Finnmárkkuin ja muđui Eurohpáin.
– Lea dušše ovttasbargguid bokte ahte mii sáhttit njeaidit ovdagáttuid. Ovttasbargguin mii sáhttit hupmat vásáhusaid birra, mii fas dagaha ahte mii oahppat ja mii fas dagaha regiovnnalaš ovdáneami, lohká fylkkasátnejođiheaddji Runas Sjåstad.
Konferánssas maiddái vuolláičállui ovttasbargošiehtadus Murmánskka gávpoga ja Xarbin gávpoga gaskka. Xarbin lea Kiinnás.
Teáhterbihttá
100-jagi ávvudeami oktavuođas áigu Finnmárkku fylkkasuohkan bidjat bajás teáhterbihtá ovttas Norgga Generálakonsulátain Murmánskkas. Teáhterbihttá ‹‹Kiberg Odysseen›› biddjo bajás dán čavčča.
