Namma: Mathias Vassvik Kalstad
Ahki: 17
Guovlu: Kárášjohka
1. Biibbalii leat čohkkejuvvon olu girjjit, galle girjji leat das?
– Hmm, biibalis eai soaitte nu ollu girjjit. Mun ferten dadjat 12, go mun in dieđe. Boastut!
Rievttes vástádus: 66.
2. Makkár nuoraidprográmmas oaidnit olbmážagaid Noora, Vilde, Eva, Sana ja Chris?
– Dat gal lea Skam, die leat dovddus namat. Riekta!
3. Mii lea Bichon frisé?
– Dieđát go maid? Mun in duohta dieđe mii Bichon Frisé lea.. Orru fránska namma. Boastut!
Rievttes vástádus: Beananálli
Go Kalstad ii vástidan riekta buot golbma vuosttaš gažaldaga, de son ii manna viidáseappot gilvvus. Son dattetge beassá geahččalit vástidit árvádusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvádus lea váddáseamos, ja jus dan vástida riekta, de oažžu 15 čuoggá, alit árvádusas faske 10 čuoggá ja ruonás 5 čuoggá.
Kalstad vállje alit ivnni, ja mii jearrat sus dán árvádusa:
Gii lea mu váhnemiid bárdni, muhto aŋkke ii leat mu viellja?
– Mu váhnemiid bárdni, muhto aŋkke ii mu viellja? Kalstad guhká smiehttá ovdal son vástida «Jesus» Boastut!
Rievttes vástádus: Mun ieš
Galle čuoggá oktiibuot: 1 čuokkis.
Juohke gilvaleaddji beassá hástalit ođđa gilvaleaddji Ávvira geassegilvui. Kalstad hálida hástalit Niillas Magnus Vesterheim Skoglund searvat Ávvira geassegilvui.
– Mun hálidan hástalit Niillas Magnus Vesterheim Skoglund searvat Ávvira geassegilvui.
Njunnošis: Vibeke Larsen 13 čuoggáin
