Olgoriikka mohtorsihkkelvuoddji jámii maŋŋel go beaškkehii ealgga vuostá Gáivuonas, dieđihit politiijat.
Mohtorsihkkelvuoddji lei bahut roasmmohuvvan go vujii ealgga njeaiga E6 luotta alde Gáivuonas duorasdatiđida.
Lihkohisvuohta dáhpáhuvai birrasii 10-áigge Steinli báikkis Gáivuonas, dieđiha Romssa politiijaguovlu Twitteris.
– Mii duođaštit ahte mohtorsihkkelvuoddji jámii, muitala Ráissa ja Návuona leansmánnekántuvrra doaibmi politiijaalitbálva Mads Holbø Eriksen.
Politiijat leat dieđiheame dievddu lagamuččaide, eai ge hálit vuos almmuhit dievddu agi dahje guđe riikkas lea eret, čállá Nordlys.
Dievdu, gii lei olgoriikalaš turista, lei vuodjime ovttas eará mohtorsykkelvuddjiiguin go lihkohisvuohta dáhpáhuvai.
Eriksen muitala ahte politiijat dutket lihkohisvuođa ja áigot hupmat daiguin earáiguin geat mátkkoštedje ovttas dievdduin.
Gáivuona suohkan váldá vára sis maŋŋel dáhpáhusa.
Maiddái ealga jámii maŋŋel lihkohisvuođa. (©NTB)
