Boahtte vahkku boahtá dovddus govvejeaddji Oskar Puschmann Porsáŋgui. Dan oktavuođas doallá son logaldallama.
Boahtte vahkku boahtá dovddus govvejeaddji Oskar Puschmann Porsáŋgui. Dan oktavuođas doallá son logaldallama.
Porsáŋggus áigu govvejeaddji govvet ođđa govaid «Gorahat ja Njárga – utvalgt kulturlandskap». Dan oktavuođas doallá Puschmann logaldallama mas lea fáddá: Mo rievdá eanadat áiggi mielde? Logaldallan lea suoidnemánu 8. beaivvi Stabbursnes naturhus báikkis, ja doalut leat nuvttá, čállá Porsáŋgu gielda.
Oskar Puschmann lea Norgga luonddugovvejeaddji (landskapsgeograf ). Son lea bargan 1994 rájes Norsk institutt for skog og landskap ásahusas.
2002 jagi rájes dokumenterii rievdadusaid Norgga kultuvrralaš eanadagas (kulturlandskap). Son lea ođđasit govven 2500 gova. Vuos geahčai dološ govaid iešguđet ge báikkiin miehtá riikka, dasto seamma báikkiid govvii ođđasit.
2006:s Puschmann ovttas Wenche Dramstadain ja Ragnhild Hoelain almmuhii girjji man namma lea «Tilbakeblikk – Norske landskap i endring».
