Politiijat leat ožžon dieđu ahte mirkotableahtat Ksalol márkanfievrriduvvojit Finnmárkkus. Dál sii váruhit olbmuid.
Politiijat váruhit ahte sii leat ožžon cavgileami ahte Ksalol lea leavvan Finnmárkui. Sii eai leat duoguštan ieža tableahtaid, muhto čuvvot dárkilit leavvandili, čállet politiija preassadieđáhusas vuossárgga.
– Eat hálit muitalit guovllu dahje báikki gos lea cavgiluvvon mirkko birra. Dat ii leat relevánta go mii jáhkkit dan jo leavvan olles Finnmárkui, ja guoská buohkaide dál ášši, dadjá Politiija dutkanjođiheaddji Torstein Pettersen Ávvirii.
Váruha
Ksaslol ii leat amas gárrenmirko, muhto dál leat ihtán Ksalol mirkkot vuovdemassii mat eai leat albma. Dat leat fievrriduvvon miehtá Norgga ja politiijat jáhkket daid leat vuovdemassii Finnmárkkus maid dál. Son váruha ahte dat eai leat albma tableahtat, ja dain leat váralaš mirkkot.
– Dat ihtet vaikke gos dál, dadjá Pettersen.
Sihtet cavgilemiid
Politiijat ballet ahte Romssas leat golmmas jápmán Ksalol mirkko geavaheamis. Sii hástet olbmuid leat gozuid alde ja váldit singuin oktavuođa jus leat dieđut mat sáhttet leat veahkkin jávkadit tableahtaid.
Doarju media teoriija
Son muitala ahte mediat leat čállán maŋimuš áigge ahte dat tableahtat leat ihtán koronaáiggis. Dat go ráját leat giddejuvvon ja háššamirkko váilevašvuohta stuorui.
– Dán teoriija árvvoštallama doarjjun mun, dadjá Pettersen.
