-Almmuhus-
-Almmuhus-
OĐĐASAT Miljovnna vuoitodienas Kárášjohkii ja Guovdageidnui

Miljovnna vuoitodienas Kárášjohkii ja Guovdageidnui

-

-

Gjensidige báŋkku kundarat Guovdageainnus ja Kárášjogas ožžot oktiibuot 1,7 miljovnna vuoitodietnasa. Gaskamearálaččat oažžu juohke kunddar 2 500 ruvnno.

– 2016 lei buorre jahki. Danne beassat dál juohkit buori dietnasa kundariidda, lohká Gjensidige konsearnahoavda Helge Leiro Baastad preassadieđáhusas.

Gjensidiges leat birrasii 800 000 kundara Norggas, ja oktiibuot ožžot kundarat 2,1 miljárdda ruvnno. Vuoitodienas lea sullii 14 proseantta das maid kundarat mákse dáhkádusain.

 

Juhket oasusvuoittu

– 2007 rájes leat kundarat ožžon 15 miljárdda ruvnno vuoitodietnasa, lohká Baastad.

Kundarat ožžot oasi Gjensidige dietnasis, danne go fitnodaga stuorámus eaiggát lea «Gjensidigestiftelsen». Dan stivrejit kundarat. Vuođđudus juohká sin oasusvuoittu Gjensidige Norgga vahátdáhkádusa kundariidda.

Vuođđudus juohká maid oasi servodatávkkálaš doaimmaide. Eaktodáhtolaš searvvit ja joavkkut sáhttet ohcat doppe ruđa.

-Almmuhus-