Measta 100 000 ruvnno gildii ealga­bivddu ovddas

Go FeFo dál máksá suohkaniidda vuođđomávssu ealgabivddu ovddas, de oažžu Kárášjoga gielda measta 100 000 ruvnno FeFos. 

2019 ealgabivddus báhččojedje oktiibuot 817 ealgga Finnmárkkus ja 201 dáin bahččojedje Kárášjogas. FeFo máksá vuođđohatti gielddaide, ja dát 201 ealgga buktet oktiibuot 98 871 ruvnno lassi ruvnno Kárášjoga gildii. 

Báhčindivat rehkenastojuvvo Birasdirektoráhta máksomeriid vuođul mat leat 331 ruvnno miesis ja 562 ruvnno nuorra ja rávis eallis.