MÁRET duos lea hohppos áigi ovddasguvlui, go kaleanddar lea dievva gitta juovllaid rádjai. Dál goittotge almmuheaba remixa ovtta sudno lávlagiin, Spotify nammasaš musihkkasiiddus. Guldal lávlaga dáppe:
Álttá musihkkáriin, Marit Hætta Øverli ja Klemet Anders Buljo, dahje MÁRET nu go gohčodeaba iežaska, leat badjel 200 konseartta juohke jagi.
Sudnos lea áibbas dievva kaleanddar gitta juovlamánu 1. beaivvi rádjái dán jagi.
– Dasa lassin lea juo 2018 giđa kaleanddar dievvagoahtán, čállá Audioland, guhte almmuha skearru, preassadieđáhusastis.
Ođđa remixa
– MÁRET muitala gehččiide čáppa historjjá iežaset «ráinnas» musihka bokte, čállá Audioland.
Musihkkár guovttos leaba almmuhan skearru «Alo» Cuba turneas guokte jagi dás ovdal. Ja dál lea MÁRET almmuhan remixa ovtta sudno lávlagiin Spotify nammasaš musihkkasiiddus.
Madre Tierra lea namma, ja lea boađus muhtin ovttasbargoprošeavttas sudno Cuba olbmáiguin.
Dás beasat gullat lávlaga, ođasmahte siiddu jus ii iđe dakkaviđe:
