Lávvordaga čuovganeapmái ledje dákkár barggut riddoguovllu politiijain.
Lávvordaga čuovganeapmái ledje dákkár barggut riddoguovllu politiijain.
Girkonjárggas šadde politiijat veahkehit drošševuoddji oažžut muhtun olbmo vissui. Olmmoš lei nohkkan droššebilii, muhto jotkkii oađđima iežas seaŋggas, čállet Finnmárkku politiijat Twitterii.
Girkonjárggaš válde politiijat eret šilttaid ovtta biillas, go biillas ii lean čađahuvvon EU-dárkkisteapmi.
Gávdne narkotihka
Hammerfeasttas válde muhtun goalmmátlogátjahkásaš dievddu gitta, go gávdne sus unnit meriid narkotihka. Politiijat álggahit ášši,. Dievdu dovddastii ja beasai vuolgit maŋŋil go lei gažadeamis leamaš.
Feastariedja Álttás
Muhtun olgobáikkis Álttás lei rigearáris dievdu. Politiijat ožžo dieđu dan dáhpáhusa birra, muhto uksavákta olgobáikkis čorgii dáhpáhusa. Muhtun oahpis dievddus válddii dievddu mielde eará sadjái.
Muhtun goalmmátlogátjahkásaš dievdu massii vuodjinkoartta Álttás. Son galgá gárrenvuođas vuodján mohtorfievrruin. Politiijat duoguštedje vuodjinkoartta ja álggahedje ášši.
Seksuálalaččat loavkašuvvon
Muhtun nissonolmmoš Várggáin válddii oktavuođa politiijaiguin, ja dieđiha ahte son lea vásihan seksuálalaš loavkašuhttima olgobáikkis. Politiijat čuovvolit ášši.
Muhtun olgobáikkis Várggáin oaččui muhtun dievdu dieđu guođđit olgobáikki, ii ge šat boahtit ruovttoluotta. Politiijat eai čále Twitterii manne dievdu šattai guođđit olgobáikki.
