Mánát leat vuosttaš háve váldán oktavuođa Kriposiin ja muitalan rohcošemiid birra maŋŋel go leat oaidnán kampánja «Eai buot čiegusvuođat galgga leat čiegusin».
Mánát leat vuosttaš háve váldán oktavuođa Kriposiin ja muitalan rohcošemiid birra maŋŋel go leat oaidnán kampánja «Eai buot čiegusvuođat galgga leat čiegusin».
Kripos muitala politiijaid ožžon dieđuid iešguđet kanálaid bokte, ja muhtin áššiin leat dál čađaheame heivehallon dutkama.
Rávisolbmot leat maid váldán oktavuođa Kriposiin go easka dál nagodit hupmat rohcošemiid birra maid mánnán leat vásihan.
– Leat váttis mihtidit man bures kampánja lea doaibman ollislaččat, muhto mii leat hui duhtavaččat go leat olihan nu máŋgasii. Go mánát leat duostan hupmat kampánja dihte, oaidnit mii dan deháleamos boađusin kampánjas, muitala preassahoavda Ida Nilssen.
Kampánja sosiála mediaid bokte
Kampánja lei mihttun mánáide gaskkal 10 ja 14 jagiin, ja mihttu lei oažžut mánáid muitalit rohcošemiid birra ja dan bokte veahkehit ahte eambbogat ožžot veahki bissehit rohcošemiid árrat. Mánát dán agis muitalit ovdalii muhtin olbmái rohcošeami birra, ja dainna lágiin eai mana dieđuid viidáset.
Kampánja bisttii borgemánu 28.beaivvis gitta čakčamánu 11.beaivái, ja lea čađahuvvon eanemus sosiála mediaid bokte. Badjel milliuvnna olbmo leat oaidnán muhtin dain filmmažiin mat leat Facebookas.
Kripos árvvoštallá ahte Facebook ja Instagram bokte leat olahan birrasiid 285 000 nuoraid geat leat vuollel 17 jahkásaččat. (©NTB)
