Duhtameahttumis váhnemat miehtá riikka eai leat mánáideaset dolvon mánáidgárdái bearjadaga, muhto bidjan sin bargoheaitagii go eai duđa ođđa virgádannorbmii.
– Min váldogáibádusat lea ahte virgádannorbma galgá bistit olles beaivvi, ja ahte galgá guoskat mánnájoavkodásiide, ja ahte galgá sáhttit ohcat beassat eret norpmas, dieđihit váhnemat Facebook joavkkus «Foreldreopprøret 2018».
Ođđa norbma álgá
Bargoheaitta lea dieđihuvvon ovddalgihtii, ja duorastaga mearridii Stuoradiggi dohkkehit ođđa ortnega mii guoská virgádannorpmaide.
Dat mielddisbuktá ahte galget eanemusat leat golbma máná geat leat vuollel golbma jagi juohke bargis, ja eanemusat guhtta máná geat leat badjel golbma jagi juohke bargis, čavčča rájes.
27 000 váhnema leat čállán namaideaset akšuvdnii mainna dieđihit politihkkáriidda ahte norbma ii leat doallevaš.
(©NTB)
