Ikte maŋŋágaskabeaivve gávnnahalle máŋga máná politiijaide go ledje vuojašeamen skohteriiguin, vuodjinkoartta haga.
Stáhta luonddubearráigeahčču ja Boazopolitiijat čađahedje ikte mohtorjohtolat bearráigeahču Skáiddi/Smiervuona guovllus. Okta vuoddji gávnnahalai vuodjimin olggobealde merkejuvvon láhttu ja muhtin earás fas ii lean oaivesuodji.
Báhtarii politiijain
Okta skohtervuoddji bijai fas báhtui politiijain, muhto juvssahalai, sus ii lean maid vuodjinkoarta, iige oaivesuodji. Guovtti eará vuoddjis ii lean maid vuodjinkoarta. Váhnemat eai lohkan diehtit ahte sin mánát ledje vuojašeamen lobiheamet. Buot dát lobihis dagut váidojuvvojit, dieđihit Finnmárkku politiijat Twitteris.
