Eananbuollima dihte Juovlavuonas Deanus leat ferten mánáidgárddi mánáid doalvut Juolavuona skuvlii go buollin lea nu lahka leavvan mánáidgárddi.
Eananbuollima dihte Juovlavuonas Deanus leat ferten mánáidgárddi mánáid doalvut Juolavuona skuvlii go buollin lea nu lahka leavvan mánáidgárddi.
– Garra biegga ja goike eana dagaha jáddadanbarggu váttisin buollinčáskadeddjiide, ja buollin lea leavvan viidát, muitala operašuvdnajođiheaddji Svein Eirik Jacobsen NRK Sápmái.
Dolvon mánáid
Diehtu buollima birra bođii sullii diibmu 12:s, moadde diimmu maŋŋel go buollinčáskadeaddjit ledje leamašan Sirpmás jáddadeame buollima gos viessu bulii gutnan.
Buot heahteveahkit leat dál Juovlavuonas, ja mánáidgárdemánáid leat dolvon Juovlavuona skuvlii. Buollinčáskadeaddjit bártidit jáddadit buollima mii lea dušše 40-50 mehtera eret mánáidgárddis, čállá NRK Sápmi.
Nuorta-Finnmárkku politiijaguovlu ávžžuha Twitteris olbmuid giddet lásiid ja uvssaid.
Buollin sáhttá álgán muhtun dálus ja leavvan viidát, čállá NRK Sápmi.
