Norgga Luonddudutkaninstituhtta (NINA) leat árvvoštallan man olu barta váikkuha lundui.
NINA dutkit leat dál dutkama bokte sáhttán árvvoštallat man olu duođaid okta barta váikkuha lundui gosa lea huksejuvvon.
Sin dutkan čájeha man olu dat njuolggut váikkuha dan oassái gosa huksejuvvo.
Čájehuvvo ahte barta váldá 15 geardde eanet eatnama go dat man stuoris lea barta.
NINA leat buohtastahttán ahte jus 100 njealjádasmehtera lea bartta sturrodat, de dat váikkuha 1500 njealjádasmehtera luonddu.
Dutkan čájeha ahte doppe leat váilevaš šattut boađusin, ja maid unnit divrrit.
Ieš dat barta váikkuha 13 geardde eanet luonddu go bartta sturrodat, muhto de lea muđui eará infrastruktuvra mii dagaha ahte váikkuha 15 geardde eanet.
