-Almmuhus-
-Almmuhus-
KULTUVRA Loktejit oidnosii dáiddáriid ja kulturbargiid barggu

Loktejit oidnosii dáiddáriid ja kulturbargiid barggu

-

-

Čájáhus álbmotakšuvdna Álttá-Guovdageainnu čážadaga dulvadeapmi lea duogážin seminárii mii lágiduvvo Kárášjogas dán mánu.

Miessemánu rájes lea Sámi Dáiddaguovddážis (SDG) Kárášjogas čájehuvvon čájáhus «Ellos eatnu: Iehčanas dáhttu ja ođđa máilmmálašvuođa duddjon», maid Office for Contemporary Art Norway (OCA) lea buvttadan.

Dát čájáhus šaddá ge dego duogášrátnun seminárii maid SDG lágida Kárášjogas geassemánu 14.-16. beivviid.

SDG čállá ahte álbmotakšuvdna Álttá-Guovdageainnu čázádaga dulvadeami vuostá (sullii 1978–1982) dagahii stuorra rievdadusaid davvihistorjjás.

Akšuvdna viiddui vuorddekeahttá siviilaservodat solidaritehta lihkadussan sihke Sámis, Norggas ja riikkaidgaskasaččat – mas maiddái sámedáiddárat ledje guovddážis.

– Čájáhusas oaidná sámedáiddáriid váikkuheaddji rolla akšuvnnas, ja dan solidaritehta maid sin dáiddárustibat olggobeale sámi čájehedje sidjiide. Boarrásat ja ođđasat dáiddabargguide lassin, čájehuvvojit oasážat vuorkkás Álbmotakšuvnna Álttá-Guovdageainnu-čázádaga dulvadeami vuostá, čállá SDG.

Logaldallit ja dáiddáraŧ

Semináraprográmmas leat mielde: 
Gunvor Guttorm, professora
Susanna Hætta, govvejeaddji/ girječálli
Kristin Nicolaisen, Alta Musea musealektor
Hans Ragnar Mathisen,  dáiddár
Jelena Porsanger,  konserváhtor
Ranghild Freng Dale, čálli/dutki ja lávdedáiddár
Katarina Pirak Sikku, dáiddár
Aslak Holmberg, aktivista 

Geir Tore Holm, dáiddár
Søssa Jørgensen, dáiddár
Raisa Porsanger, dáiddár/kuráhtor
Kristoffer Dolmen, direktevra/kuráhtor
Anita Björnback, prošeaktakoordináhtor 

 

Loktet oidnosii iešguđet beliid

SDG čállá preassadieđáhusas ahte semináras Kárášjogas áigot čalmmustahttit iešguđet beliid dán giččus, ja earenoamážit bidjat fuomášumi dáiddáriid ja kulturbargiid doaimmaid dán oktavuođas.

– Mii áigut čájehit mot dát riidu lea šaddan duogážin olu dáiddalaš buvttademiide surggiin nugo govvadáidda, musihkka, girjjálašvuohta ja lávdedáidda, čállá SDG.

 

Sihke olgun ja siste

Seminára lágiduvvo SDG visttis Kárášjogas geassemánu 14.-16. beivviid ja doalut leat sihke siste ja olgun dan vahkkoloahpa.

SDG lea lágideaddji ja seminára kuráhtorat leaba Raisa Porsanger og Kristoffer Dolmen.

- Advertisement -
-Almmuhus-