Ođđa alitruoná ráđđehus lea soahpan ásahit boarrásiidáittardeaddji mii galgá gozihit ja ovddidit boarrásiidfuola.
Ođđa alitruoná ráđđehus lea soahpan ásahit boarrásiidáittardeaddji mii galgá gozihit ja ovddidit boarrásiidfuola.
Olgešbellodaga, Ovddádusbellodaga ja Gurutbellodaga ráđđehusvuođđudusas celko ahte našunála boarrásiidáittardeaddji galgá ásahuvvot, ja dan bargun šaddá gozihit ja ovddidit vuorasolbmuid fuolahusáššiid.
Áittardeaddji galgá čalmmustahttit dearvvašvuođabálvalusaid geavaheddjiid, pasieanttaid ja boarrásiid.
Norggas ii leamaš sullasaš áittardeaddji ovdal, ja lea Ovddádusbellodat mii guhkit áigge lea oččodan dán johtui.
– Olu oapmehaččat gártet dađi bahábut rahčat vai boarráset oččošedje doarvái buori divššu ja fuola. Dan gičču eai galgga šat dárbbašit okto čađahit, áittardeaddji galgá sin doarjjan, dadjá Ovddádusbellodaga vuorrasiidáššiid ságadoalli Bård Hoksrud NTB ođasdoaimmahahkii.
