Ođđa NRK-ráiddus bohtet ovdan dieđut galbma soađi birra mat eai leat ovdal almmuhuvvon.
Sotnabeaivvi, skábmamánu 24. beaivvi, lea vuosttaščájálmas ođđa dokumentáraráiddus«Kald krig» (Galbma soahti) man NRK Romsa lea ráhkadan. Dokumentáraráiddus leat vihtta oasi ja ráiddus čájehit Davvi-Norgga dáhpáhusaid ja muitalusaid, ja makkár váikkuhusat galbma soađis ledje eaŋkilolbmuide.
– Dokumentáraráiddus bohtet ovdan ođđa ja gelddolaš dieđut mat eai leat ovdal leamaš muitaluvvon. Mii kombineret historjjálaš fáktáid ja ođđa jearahallamiid olbmuin geain eallin hábmejuvvui galbma soađi geažil, dadjá prošeaktajođiheaddji Mari Bjørndatter Knudsen.
