Máhttodepartemeanta juohká buot riikka studeantaovttastusaide liigeruđaid lágidit sosiálafálaldagaid studeanttaide.
Dat logi miljovnna leat oassin ráđđehusa maŋimuš heahtedillepáhkas čakčat ja galget geavahuvvot konkrehta, sosiála aktivitehtaide dahje koordineret barggu olahit studeanttaide.
– Mun vuorddán ahte studeantaovttastusat, oahppobáikkit ja studeanttat šaddet ovttaoaivilii das masa ruđat galget geavahuvvot. Vaikko ruđat mannet studeantaovttastusaide, de leat mus čielga vuordámušat ahte ruđat galget boahtit studeanttaide buorrin, maiddái sidjiide geat eai leat mielde ovttastusas, muitala dutkan- ja alitoahppoministtar Henrik Asheim (O).
Juohke studeantaovttastus oažžu 50 000 ruvdnosaš vuođđosupmi. Reasta ruđain juhkkojuvvojit miellahttologu mielde.
