Politiijat dutket lihkohisvuođa mii čuožžilii muhtin mánáidgárddis Bergenis. Jahkásaš mánná lea dolvojuvvon buohccevissui, muhto eai dieđe man bahuid lea roasmmehuvvan.
Oarji politiijaguovlu dieđiha ahte lea geavvan lihkohisvuohta muhtin mánáidgárddis Birkelundsbakkenis Bergenis duorastaga ovdalgaskabeaivvi.
Politiijat ožžo dieđu lihkohisvuođa birra diibmu 12.10 duorastaga.
«1-jáhkasaš mánná lea gahččan eret mánáidvovnnas ja lea darvánan baddi birra čeabeha», dieđiha politiija preassadieđáhusas.
Mánná lea vuddjon Haukelándda buohccivissui. Máná dilálašvuohta lea eahpečielggas. Máná váhnemat leat ožžon dieđu lihkohisvuohta birra, ja heahtebargojoavku lea dieđihuvvon.
Politiijat leat báikkis ja leat dutkagoahtán lihkohisvuođa.
