Stuora boasttuvuohta dahkkui Álttájoga buođus ođđajagemánus mii lei sáhttit dagahit stuora váikkuhusaid luossanállái, oaivvilda NVE ja sáhkkoha Statkraft Energi AS.
Stuora boasttuvuohta dahkkui Álttájoga buođus ođđajagemánus mii lei sáhttit dagahit stuora váikkuhusaid luossanállái, oaivvilda NVE ja sáhkkoha Statkraft Energi AS.
Statkraft Energi AS šaddá máksit 200 000 ruvnno go eai leat 2017 ođđajagemánu čuvvon Alta Kraftverk luoitinnjuolggadusaid.
Lea duođalaš ášši
Sivvan lei divodeami vuolde fuomáškeahttá ribahedje luoitit beare unnán čázi buođu čađa, mii lei sáhttit šaddat stuora vahágin.
– Eai leat duođaštuvvon vahágat klimáhtalaš sivaid dihte ja go ii bistán nu guhká čáhceluoitima unnideapmi. Jus lei guhkit bistit, de livččii váikkuhus luosaide leat stuorát. Mii váldit ášši hui duođalažžan, muitala NVE birasbearráigeahču sekšuvdnajođiheaddji Øyvind Leirset preassadieđáhusas.
Vurdet ámmátčehppodaga Statkraftas
NVE atná Statkraft Energi AS hirbmat profešunealla oasálažžan mii galgá leat erenoamáš dárkil doaimmahemiin. NVE oaivvilda ahte Statkraft ii leat čájehan várrogasvuođa divodeami botta ođđajagemánu 19. beaivvi 2017.
Statkraft sáhttá guoddalit mearrádusa Oljo- ja energiijadepartementii.
