Vierme K sádde njuolggosáddaga dollagáttis Sámiid oahpahusguovddáža šiljus Jåhkåmåhkkes.
– Mii háliidit bovdet buohkaid rabas ságastallamii sámi kultuvrra birra. Dat dárbbašuvvo vai sáhttit nannet ja ovddidit sámi kultuvrra buot surggiin. Mii háliidit oaiviliid iešguđet kultursurggiin, dadjá Viermie K gulahalli Rámavuol Elle Bigge.
Viermie K lea Sámi kulturpolitihkalaš fierpmádat mii bargá dan ovddas ahte davvi Ruoŧa ámmátlaš kultureallin nannejuvvo. Lágideapmái ii dárbbaš ovdagihtii dieđihit searvama. Gulahallangiella lea ruoŧa-, dáro-ja sámegiella.
Sii geat čuvvot njuolggosáddaga sáhttet jearrat gažaldagaid ja cealkámušaid chatas.