-Almmuhus-
-Almmuhus-
MÁNÁT JA NUORAT «Knacka på!» -áppa boahtá dál viđa sámegillii

«Knacka på!» -áppa boahtá dál viđa sámegillii

-

-

Finálan Giellavahkku 2020:s almmuhuvvo ođasmahtton áppa «Sápmi Knacka på!».

Ruoŧa beale Sámi giellaguovddáš lea ovttas Alfabeta Bokförlagiin jorgalan ja bádden jienaid bivnnuhis mánáidgirje-áppai «Sápmi Knacka på!». 2015 rájes leat áppas leamaš sihke davvi-, julev- ja lullisámegielat jienat ja teavsttat. Dál boahtá áppa maid bihtán- ja ubmesámegillii.

– Lea hui ilolaš go dál sáhttit fállat áppa buot viđa sámi gielain. Mii diehtit áppa lea bivnnut smávva mánáid gaskka ja sáhttá maid leat ávkkálaš váhnemiidda ja earáide geat oahpahallet sámegiela, dadjá Ingegerd Vannar, Ruoŧa Sámedikki giellahoavda ja giellaguovddáža bargojođiheaddji.

– Mii doaivut áppa sáhttit movttiidahttit ja leat veahkkin boahttevaš bihtán- ja ubmesámegielat logaldalliide, dadjá Anders Östergren Njajta, Sámi giellaguovddáža giellakonsuleanta.

Sámi giellaguovddáš bargá sámi gielaid ealáskahttimiin. Mánát ja nuorat leat vuoruhuvvon ja áppa jorgaleapmi lea oassi metodaovddidanbarggus nu ahte buohkaide lea iežaset giella olámuttos buot áigodagain eallimis. Mánát leat min boahtteáigi ja áppa lea álkes ja somás olahanmuddu iežaset váibmogillii.

– Viimmat gávdno áppa ubmesámegielat mánáide. Gávdno nu unnán min mánáide geat hupmet dan unnimus sámegiela, nu ahte «Sápmi Knacka på!» lea bures váldon vuostá, muitala smávvamánnáváhnen ja Gávtjávrri ubmesámegielat oahpaheaddji Sara Helén Persson.

Áppa almmuhuvvo nuvttá App Stores golggotmánu 23. beaivvi.

Dán čállá Ruoŧa Sámediggi.

-Almmuhus-