Kiinná turisttat eai beasa mátkkoštit eará riikkaide coronavirusa dihtii.
Norgii sáhttá dat mearkkašit 85 000 unnit guossejándora jos gielddus bistá giđa rádjái.
Dat mearkkaša ahte buohkat, geat oassálastet joavkomátkkošteamis, ja eaŋkilmátkkošteaddjit, geat leat ovddalgihtii oastán páhka mas lea girdibileahtta ja hotealla, eai beasa mátkkoštit olggos Kiinnás.
– Kiinná lea okta dain stuorámus márkaniin Norgii dálvet. Ođđajagemánus diibmá ledje 10 000 guossejándora, dadjá Visit Norway márkanspesialista Ingunn Sakshaug.
