Terroráššáskuhtton Ubaydullah Hussain celkkii ikte Oslo diggerievttis ahte dan sadjái go bidjot giddagassii, de sáhttá son fárret Kárášjohkii.
Terroráššáskuhtton Ubaydullah Hussain celkkii ikte Oslo diggerievttis ahte dan sadjái go bidjot giddagassii, de sáhttá son fárret Kárášjohkii.
Ubaydullah Hussain lea áššáskuhtton terror rekruteremis máŋga olbmo ja vihtaniid váikkuheamis, muhto son biehttala iežas sivalažžan. Son gáibidii luitot luovos Oslo diggegottis, ja ákkastalai duopmárii ahte sus ii leat šat oktavuohta islamalaš birrasiin Norggas, čállá NRK.
Terroráššáskuhtton logai iežas sáhttit fárret eret Oslos.
– Jua, sáhtán fárret Kárášjohkii, vaikko sáhttá oalle galmmas šaddat,logai son ja guoddalii ášši dalán, čállá NRK.
Kárášjoga várresátnejođiheaddji John Nystad dadjá ifinnmark áviisii ahte sii eai hálit leahkit makkárge friddjabáikin terroristtaide.
