Golggotmánu 1. beaivvi rájes lassánit Kárášjogas poastanummarat. Lassin 9730 bohtet vel guhtta ođđa nummara.
Jahkásaččat geahčada Boasta Norgga boastanummariid, ja dán geažil sáhttet šaddat rievdadeamit. Dábálaččat leat sii geat ožžot boastta, gilisearvvit dahje gielddat mat sávvet rievdademiid báikkálaš dahje historjjálaš vuođu ektui.
Kárášjoga márkanguovddážis, davábealde joga, bissu ain 9730 boahtteáiggis, muhto dasa lassin bohtet 9731 (Kárášjoga márkan lulábealde joga), 9732 (Guovdageainnu guvlui), 9733 (Leavnnja guvlui), 9734 (Deanu guvlui), 9736 (Bieskkenjárgga guvlui) ja 9737 (Suoma guvlui).
Sis geain leat poastabovssat, sii doalahit ain seamma poastanummara.
