Bearjadaga skábmámánu 25. beaivvi almmuha Kajsa Balto «Mun sakka illudan» ovttas Kringkastingsorkesteriin.
Singel «Mun sakka illudan», mii dál almmuhuvvo ođđasit ovttas KORK:in, lea vižžon «Sámi Juovllat – Sámi Christmas» skearrus man Kajsa Balto almmuhii 2021:s.
«Mun sakka illudan», mii lea «In dulci jubilo», «Jeg synger julekvad» dárogillii, lea dovddus ja bivnnuhis juovlasálbma miehtá máilmmi.
– Čevllohalan go lean beassan ovttasbargat Kringkastingsorkesteriin dáinna lávlagiin, mas lea Jakop Janssønnan lágideaddjin ja buvttadeaddjin, dadjá Kajsa Balto.
– Leat bargan lágidemiin ja instrumeanttaiguin balanseret kristtalaš teavstta juoiganinspirerejuvvon osiin. Boađán ieš bearrašis mas leat nana juoiganárbevierut, seammás go sálmmat leat leamašan dehálaččat midjiide, erenomážit áhkkui ja áddjái. Lean geahččalan árvvus atnit goappaš árbevieruid go leat bargan musihkain, dadjá Balto.
