Mii son otná luŋkká duohken lea?
Ovdalaš juovllaid soaitá oalle hušša ja buohkat eai soaitte háhppehit návddašit dan magiija. Odne leat šurihan Snoalta nieiddain.
Namma: Malene Aslaksen-Eriksen
Guovlu: Snoalta, Dielddanuori suohkan
Ahki: 20
1. Maid mearkkašit juovllat dutnje?
– Munnje leat juovllat hávskes basit go beassá ovttastallat bearrašiin ja singuin geaid ii leat oaidnán guhkes áigái. Šaddá eará ráfi ja hávski go čiŋaha juovllaide, ja lea maid hui somá vuojašit márkanis ja geahčadit buot juovlačuovggaid.
2. Mii addá dutnje dan ultimáhta juovladovddu?
– Ovdal juovllaid de lea muohta olgun ja juovlačuovggat viesuin ja muorain, ruohttaeahkeda fas lea juovlasuohkku ja golbma niehti Askepottii.
3. Buoremus juovlafilbma?
– «Reisen til julestjernen».
4. Buoremus juovlabiebmu?
– Eatni biergorulla mas lea ruovttudahkkon monnesaláhtta.
5. Maid fertet juohke juovllaid bargat?
– Beaivvi ovdal juovlaruohta ferten lovttaguoli borrat.
