Dovddus neavttár, Mikkel Gaup, láidesta Sámi beassášmárkana vuosttaš juoiganbattle.
Guhkesbearjadaga lágiduvvo Guovdageainnu vuosttáš juoiganbattle Báktehárjjis.
Dat lea ođđa guoimmuheapmi Sámi beassášmárkaniid bealis, ja dakkár juoiganbattle lea ovdal lágiduvvon moddii ovdal Márkomeanuin, ja Raasten Rastah ja Ubmejen Biejvieh festiválain. Dáid beassážiid besset beassášmárkanastit maid Guovdageainnus vásihit dan.
Geahččit mearridit
Juoiganbattle lea gilvu mii lea inspirerejuvvon rapbattle-gilvvuin mat beaggigohte 80-logus.
«Gilvvus galget juoigit gilvalit ain ovtta ja ovtta juoigi vuostá, dassážii go vuoiti lea válljejuvvon. Osiin gilvvuin lea luohti musihka haga ja eará osiin ges leat čuojaheaddjit mielde», nu čállet Sámi beassášmárkanat iežaset siiddus.
Sii čállet maid muhtun osiin gilvvus lea musihkkárat mielde čuojaheami luohtái, ja nuppiin osiin fas eai, ja ahte leat geahččit geat galget mearridit geat ain besset viidáseappot guđege vuorus ja dieđus loahpas de vuoitit maid mearridit.
