Moadde minuhta badjel golmmas dieđihii politiija lihkohisvuođa birra Twitteris.
Finnmárkku politiijaguovlu dieđiha johtolatlihkohisvuođa Álttas, go guokte biilla leat beaškkehan oktii.
– Oktiibuot vihtta olbmo leat lihkohisvuođas, ja okta olmmoš lohká bákčasiid.
Sihke buollinčáskadeaddjit, politiija ja buoccibiila leat ožžon dieđu lihkohisvuođa birra.