Finnmárkku politiijain ii oro politiijalogga mielde gal beare olu bargu leamaš vuosttaš beassášbeaivvi čuovganeapmái.
Finnmárkku politiijain ii oro politiijalogga mielde gal beare olu bargu leamaš vuosttaš beassášbeaivvi čuovganeapmái.
Finnmárkku politiijain orro oalle jaskes idja leamaš, jus geahččá maid politiijaloggii čállet Twitterii.
Vuosttaš beassášbeaivvi čuovganeapmái lei okta dáhpáhus Finnmárkku stuorámus gávpogis, Álttás.
Dat lei dilkobeana mii lei orrugoahtán muhtun viesu luhtte Kronstadas Álttás. Politiijat bivdet eaiggádiid dieđihit.
Doarrun Deanus
Muhtun olgobáikki olggobeale Deanus šattai doarrun. Muhtun dievdu časkkii nuppi dievddu. Goappašagat leigga gaskkal 20 ja 30 jagi boarrásat.
– Dás álggahuvvo ášši maŋŋil beassážiid, čállet politiijat Twitterii.
Leavnnjas maid lei oalle jaskat. Politiijat leat čállán ovtta dieđu Twitterii.
– Gárremiin dievdu rigerii olgobáikkis. Priváhtaolbmot báikkis ožžo su jaskkodit. Ii leat eambbo lasihit, čállet sii.
Arrestii
Girkonjárggas válde politiijat goalmmátlohkaijahkásaš dievddu arrestii go lei rigeren priváhta feasttas.
– Luoitit su beaivvi mielde, čállet politiijat Twitterii.
