Veterinearainstituhtta lea dál iskan 30 000 ruoigoealli. Unnán CWD-dávdda leat gávdnan, ja dat addá doaivaga ahte sáhttet bisuhit muhtun goddeealuid.
Veterinearainstituhtta lea dál iskan 30 000 ruoigoealli. Unnán CWD-dávdda leat gávdnan, ja dat addá doaivaga ahte sáhttet bisuhit muhtun goddeealuid.
Dutkit leat iskan Nordfjella gottiid, ja leat gávdnan unnán CWD-dávdda gottiin.
– Bohtosat addet doaivaga ahte sáhttit bisuhit goddeealuid Norggas, lohká Veterinearainstituhta CWD-koordináhtor Jørn Våge preassadieđáhusas.
Dutkit oaivvildit ahte sáhttá viežžat olu buriid dieđuid dan 30 000 iskosis maid leat čađahan dan rájes dávda fuomášuvvui.
Bissehit njoammuma
Dutkit ledje árvvoštallan ahte sullii ovtta proseantta gottiin Nordfjellas lea dát dávda. Čájehuvvui ahte lea nu.
Dát lei vuođđun go mearriduvvui jávkadit ealu mii lea Nordfjellas. Dan leat olusat vuosttaldan.
– Go dávda lea leavvan nu go jáhkiimet, de addá doaivaga ahte sáhttit ain bissehit njoammuma. Lea earálágan CWD-dávda mii lea gávdnon olggobealde Nordfjella. Mii fertet bissehit njoammuma, jus dása heaitásit, de heaitit maid boahttevaš, dearvvaš ruoigoelliid, lohká Våge.
Son deattuha ahte mađi guhkit ádjána jávkadit gottiid Nordfjellas, dađi álkibut njoammu eará guovlluide. Dasto šaddá vel váddáseabbon ráddjet dávdda.
13 elliide njommon
Veterinearainstituhtta duođaštii mannan vahkku ahte ovtta sarvvis-gottis man báhče Nordfjellas, lei CWD-dávda.
Dat lei 13. ealli mas dan dávdda leat gávdnan. Biebmobearráigeahčču ballá logu lassáneames, go bivdu Nordfjellas bistá.
Hirpmahuvvan
–Veterinearainstituhtta lea hirpmáhuhttán mu, go leat jođánat. Johtilis vástádusat iskosiin leat dehálaččat, vai CWD-dávda ii buvtte beare stuora hástalusaid bivdiide, njuovahagaide ja cábahagaide, lohká eanandoallo- ja biebmoministtar Jon Georg Dale.
Norggas eai leat ná dárkilit iskan elliid dan rájes go gussadávda leavai, 15 jagi áigi. Juohke iđida oažžu Veterinearainstituhtta ođđa iskosiid.
2016 iske 10 000 ealli, ja dássážii dán jagi leat iskan 20 000 ealli. Beaiveolahus lea 963 iskosa. (©NTB)
