NRK Sámi mánáid-TV ođđa ráiddus «IeŽár» prográmmas oahpásmuvvat mánáiguin geat duostilit ja rahpasit muitalit iežaset birra. Vuosttaš prográmma oainnát dán bearjadaga.
NRK Sámi mánáid-TV ođđa ráiddus «IeŽár» prográmmas oahpásmuvvat mánáiguin geat duostilit ja rahpasit muitalit iežaset birra. Vuosttaš prográmma oainnát dán bearjadaga.
Vuosttaš prográmmas deaivvadit Majain ja Maliniin geat vuolgiba Isac Elliot konsertii, ja sudno sávaldat lea deaivvadit beakkálmasain konseartta maŋŋel. Bearjadaga beasat oaidnit movt manná go Isac Elliot iđista vuorddekeahttá.
Mihtut maid háliidit olahit
Dál lea vuosttaš geardi go NRK Sámi Mánáid-TV ráhkada prográmma, mas earret eará iežáriid bokte oahpásmuvvat mánáide. Dáinna vugiin mánát muitalit iežaset birra duostilit ja rahpasit.
Mánát, geaidda oahpásmuvvat, leat 7-jahkásaččaid rájes gitta 12-jahkásaččaid rádjái, ja juohkehaččas lea mihttu man sii háliidit olahit, ja geahččit besset čuovvut sin háliidusmátkki. Dáin prográmmain leat mánát miehtá Sámi mielde.
Bearjadaga ođđajagemánu 8. beaivvi diibmu 17:00 oainnát NRK Superis vuosttaš geardde ieŽár-prográmma.
