Álggos leat golbma gažaldaga, jus daid máhtát, de manat viidáseappot gilvvus. Dál lei dán jagi maŋimuš geassegilvaleaddji.
Álggos leat golbma gažaldaga, jus daid máhtát, de manat viidáseappot gilvvus. Dál lei dán jagi maŋimuš geassegilvaleaddji.
Namma: Ellen Marit Sofie Mienna
Ahki: 40++
Guovlu: Guovdageaidnu
Bargu: Ráđđeaddi
1. Joatkke dán rapteavstta Nils Rune Utsis d. SlinCraze: “Eallin lea nu váttis…”
– Mu vástádus: Mo galggan birget máilmmis, in sáhte eallit ná, lea garra máilbmi. RIEKTA!
2. Mii lea Real Madrid spábbačiekčanjoavkku ruovttušillju namma?
– Dat gal lea Santiago Bernabeu. RIEKTA!
3. Mii lea hihtet?
– Mun vástidan unna divrráš. RIEKTA!
Ellen Marit Sofie máhtii visot golbma gažaldaga, ja son de oažžu liigegažaldagaid. Son sáhttá válljet ruoná liigegažaldaga mii addá 1 čuoggá, dahje válljet alit gažaldaga mii addá 3 čuoggá. Son vállje alit ivnni ja mii jearrat de sus dáid liige gažaldagaid:
Mii lea Skottlándda našunálačuojanas?
–Dat gal lea “sekkepipe”, mun jáhkán dan gohčodit seahkkabiipun sámegillii. RIEKTA!
Mii lea Suoma alimus várri?
–Dat gal lea diet várri mii lea Gilbesjávrri oalle lahka. Háldin dat gohčodit. RIEKTA!
Makkár brihttalaš joavku lea leamaš dovddusin lávlagiin ” Walk of life”?
–Dis gal lea beare oanehis áigi, in háhppehan vástidit. BOASTUT!
Rievttes vástádus: Dire Straits
Ellen Marit Sofie máhtii visot golbma álgo gažaldaga, ja vel guokte liigegažaldaga. Son beassá liikká válljet árvalusa mainna sáhttá fasket 5, 10, dahje 15 čuoggá. Dat lea dan duohken guđe ivnni vállje. Rukses árvalus lea váddáseamos ja das oažžu 15 čuoggá, alit árvalusas 10 čuoggá, ja ruonás fas 5 čuoggá.
Son vállje rukses ivnni vai olahivčče ollu čuoggáid, ja mii jearrat dán árvalusa:
Ánne ostii papegøya vuovddis gii dáhkidii ahte papegøya boahtá geardut juohke sáni maid gullá. Vahkku maŋŋil bođii Ánne váidalit ahte papegøya ii gearddut ii sáni ge maid son dadjá. Vuovdi ii lean goitge lohpidan badjelmearálaččat. Manne ii??
–Hehe, die gal orro dakkár fillen árvalus. Hmm na mii son dat lea. Huff, dat du diibmu han coahkká maid nu jođánit. Na mun dajan ahte papegøya ferte leat bealjeheapme. RIEKTA!
–Illá mun arven searvat. Lean lohkan Ávvira ja lávejit oba váttis gažaldagat ja áinnas diet lávllateavsttat leat oba váddásat. Muhto dál gal lei lihkku go min guovllu ráppára teaksta lei. Agi gal iige leat beare somá muitalit aviisii, čális dál 40++.
Galle čuoggá oktiibuot: 24 čuoggá
Ellen Marit Sofie Mienna ii beasa šat hástalit ovttage searvat geassegilvui go son lea dán jagi maŋimuš geassegilvaleaddji.
