-Almmuhus-
OĐĐASAT Ijahis idja šluhttejuvvo

Ijahis idja šluhttejuvvo

-

-

Koronadilli bisseha festivála.

Eamiálbmogiid musihkkafestivála, mii dábálaččat lágiduvvo Anáris, šluhttejuvvo dán jagi koronapandemiija geažil. 

Dorvvolašvuođa sihkarastin ovddemus

Festivála lei plánejuvvon dollojuvvot 14. ja 15. beaivvi borgemánus, muhto dál lea čielggas ahte nu ii šatta.

– Ijahis idja-festivála lágideaddjit atnet festiválagallededdjiid ja bargiid dorvvolašvuođa sihkkarastima buot diliin deháleamos áššin dáhpáhusa lágideamis. Lágideaddjit leat čuvvon Covid-19 dili ovdáneami guhká, muhto dál lea čielggas ahte riikkaidgaskasaš dáhpáhusa lágideapmi dorvvolaččat lea beallemuddui veadjemeahttun. Festivála šluhtten lea váidalahtti, muhto áidna rievttes ja vásttolaš mearrádus dán dilis, čállet festivála lágideaddjit preassadieđáhusas. 

Eará doaimmaid

Ijahis idja-festivála lea ovttasbargu Anára Sámisearvvi, Suoma Sámedikki, Sámekulturguovddáža Sajos, Sámi oahpahusguovddáža, Sámemusea Siidda, Anára gieldda ja Yle Sápmi gaskkas. Preassadieđáhusas dieđihit ahte áigot geahččalit eará doaimmaid dán geasi lágidit.

– Festivála lágida vejolašvuođaid mielde eará doaimmaid ja dieđiha dáid birra maŋŋil, čállet preassadieđáhusas.

- Advertisement -
-Almmuhus-