Sámediggi leat heaitán vuoruheames guhte huksen galgá čađahuvvot ovddemus.
Sámediggi leat heaitán vuoruheames guhte huksen galgá čađahuvvot ovddemus.
Sámedikki ásahusdieđáhusas leat Sámedikkis mearridan ahte eai áiggo šat vuoruhit guhte huksenprošeakta galgá ovddemusas ja maid sii vuoruhit.
Iešguhtege ovdáneapmi
Sámedikki ráđđelahttu, Henrik Olsen, čilge dat sáhttá dagahit ahte dat huksenprošeavttat mat leat álggahuvvon, ja ovdánit jođánit, šaddet vuordit jus leat maŋŋelis vuoruheamis go huksenprošeavttat mat leat ovdalis vuoruhanlisttus.
– Sámi huksemiin lea maid iešguhtege ovdáneapmi. Muhtun huksenplána sáhttá mannat jođáneappot go nubbi, ja danin lea dehálaš ahte mii eat bija makkárge vuoruheami guhte galgá ovddemusas leat, go dat sáhttá maŋidit huksemiid mat leat juo gárvásat álggahuvvot, lohká Olsen.
Eai bala govssahallat
Máŋga sámi ásahusa leat vuordimin ruhtadeami hukset ođđa visttiid, Saemien Sijte lea okta dain.
Museadirektevra, Birgitta Fossum, ii bala gal sin govssahallamis huksendoarjagiin.
Son čállá SMS:s ná: (jorgaluvvon čálus)
«Mun lean hupman Henrik Olseniin ja dovddan oadjebassan das ahte Saemien Sijte vuhtii váldo Sámedikki bealis. Eambbo go dan in hálit dadjat.»
