Áššegieđahallama oktavuođas Sámedikkis lea NSR sámediggejoavku ožžon diehtit ahte Nussir ASA direktevra Øystein Rushfeldt čuoččuha NSR gilvit giellásiid ruvke váikkuhusaid birra.
Áššegieđahallama oktavuođas Sámedikkis lea NSR sámediggejoavku ožžon diehtit ahte Nussir ASA direktevra Øystein Rushfeldt čuoččuha NSR gilvit giellásiid ruvke váikkuhusaid birra.
Váikkuhusat jus šaddá ruvkedoaibma Nussiris ja Gumpenjunis lea bahkka ášši. Áššegieđahallama oktavuođas Sámedikkis lea NSR sámediggejoavku ožžon diehtit ahte Nussir ASA direktevra Øystein Rushfeldt čuoččuha NSR gilvit giellásiid váikkuhusaid birra. Sámediggelahttu Sandra Márjá West galgá cealkán juoga masa Rushfeldt ii leat ovttaoaivilis.
Fertejit jearrat gažaldagaid
Ii leat álki ipmirdit makkár ášši Rushfeldt cuiggoda, muhto lea áibbas čielggas ahte leat ollu eahpesihkkaris oasit čadnon sihke ekonomalaš ja ekologalaš váikkuhusaide Nussirprošeavttas. Mii fertet jearrat stuora gažaldagaid servvodatekonomalaš osiid birra prošeavttas, maiddai maid servvodat oažžu daina ruovttoluotta, galle bargosaji leat ja mun guhkes áigodahkii, dadjá West.
Bissehit prošeavtta
Sámediggeráđđi lea buktán signála ahte sii áigot diŋgot ollislaš rapporta ja analyseret servvodatekonomalaš váikkuhusaid prošeavttas. West oaivvilda Nussira čuoččuhit doaibmat 30 jagi, eai leat buoret dokumenterejuvvon go su čuoččuhusaid mas doaibma lea 15 jagi. Son lea aŋkke mielas divvut ovtta oasi áššis:
– Dat šaddet 0 bargosaji 0 jagi dan ruvkkes. Mii áigut bissehit prošeavtta ja sihkarastit buot bargosajiid bissovaš ealáhusain máŋggaid čuđiid jagi, deattuha West.
