Namma: Inger Karoline Gaup
Ahki: 21
Guovlu: Áltá
Bargu: Studeanta
1. Makkár lávlagiin vuittii Agnete Johnsen MGP dán jagi?
– Icebreaker. Riekta!
2. Goas lea dálvejagi-jorggáldat?
– Naaa … Goas son dat lea. Lea go son cuoŋománu? Ii heađisge, vuorddes veahá … Vástidan golggotmánu. Boastut!
Rievttes vástádus: Juovlamánu 22. beaivvi.
3. Manin gohčodit guovttejahkásaš bohcco?
– Vuonjal. Riekta!
Go Gaup ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.
Gaup vállje alit ivnni, ja mii jearrat sus dán árvalusa:
Mii lea dat maid sáhtát dovdat, muhto ii leat goassege oaidnán itge boađe oaidnit?
– Áibmu … Dovdu, dahje biegga. Boastut!
Rievttes vástádus: Iežat váibmu.
Galle čuoggá oktiibuot: 2 čuoggá.
Juohke gilvaleaddji beassá hástalit ođđa gilvaleaddji Ávvira geassegilvui. Inger Karoline Gaup hástala iežas eatni, Anne Marit Gaup, searvat gilvui.
